Os nosos oficios

Na véspera do 1 de maio, día do traballador, e aproveitando que en Coñecemento do Medio comezamos a estudar as profesións, convidamos aos pais e nais a que viñeran ao cole a contarnos as características do seu oficio.

Comezou Teresa, a nai de Paula, a contarnos moitas cousas do seu traballo. Teresa veu co seu uniforme e os nenos e nenas tiveron que adiviñar o seu oficio: LIMPADORA. Falamos cos nenos e nenas da importancia da súa labor, dos utensilios que precisaba, do seu horario... etc. Mágoa que se nos esquecera sacarlle unha foto.

Logo Montse, a nai de Sara Bordello ensinounos unha almofada chea de fíos e agullas. Ao principio os alumnos non se percataban de que o oficio de Montse era PALILLEIRA. Moitos era a primeira vez que vían estes aparellos e boquiabertos comezaron a explorar os palillos, os fíos, as revistas de encaixes, e mesmo algún dos traballos que xa estaba a rematar Montse. Falamos de que se trataba dun oficio artesanal , e propio de aquí de Galicia. Ten moito mérito pois cada peza precisa moitísimas horas de adicación.

Outro día veu Inés, a nai de Samuel, vestida cun mono negro. Ao principio todos pensaban que era motorista pero logo ela pegou unha etiqueta no seu traxe que poñía ENFERMEIRA. Inés tróxonos un montón de material que usaba no seu oficio. Contounos que na fin de semana ía aos Rallys e atendía aos feridos nas carreiras de coches. O seu traxe é innífugo, que quere dicir que resiste a calor do lume e tamén usa un casco especial para protexerse do fume e das llamas.

Aquí vemos algunhas imaxes de Inés amosándonos un estetoscopio para auscultar os sons do interior do corpo, un aparello dixital para medir o pulso do sangue a través do dedo, varias próteses que protexen o pescozo, diferentes tipos de casco, e mesmo tróuxonos xoguetes de material médico para que poidesen xogar con eles o alumnado...

Aproveitando esta actividade, os nenos da Carreira A fixeron un artigo para o xornal escolar. 

Entroidadas.

Lembrades o guapos que iades todos no entroido? 

"Walk like an egipcian..."

Plantando floriñas.

Esta foi a nosa plantación de flores co proxecto "Voz Natura". De que cores sairán?

Festival Nadal

Parece que vai unha eternidade, pero pasaron tan só seis meses...
Antes de que remate o curso, deixámosvos un anaco do que foron uns meses, cando menos, interesantes.
Apertas!!

                          

                               

Postais de Nadal

Nas sesións de E. Plástica do mes de decembro aproveitamos para facer as postais de Nadal para as familias do CRA.

Velaquí tedes o proceso: nun rectángulo de cartolina, picamos catro ventás. Logo silueteamos unha figura nunha bolsa de papel con moito colorido e a pegamos no interior. Pegamos papel plástico por detrás das ventás a modo de cristaleira. Despois nun papel de cor vermello escribimos a felicitación de Nadal e a pegamos por detrás da cartolina. Doblamos a postal e..

 E este foi o resultado:

Visita ao CEIP Mosteiro de Caaveiro

Ola a todos!
Este mércores 13 de decembro os nenos e nenas da Escola de Carreira (Infantil e Primaria) fumos a visitar o CEIP de Mosteiro de Caaveiro, que nos tiñan preparado algo moi especial.

Primeiro quentamos un pouco o corpo (alí vai moito frrrrriiooo) xogando á Cadea e á Peste. No primeiro xogo o neno que panda agarra ao primeiro que pille e a partir de ahí van unidos ata pillar a un terceiro e a un cuarto. Cando chegan a catro rapaces, divídese o grupo en dous e así sucesivamente ata que estén todos pillados. No xogo da Peste, comeza un neno a "pillar" ao grupo. Cando toca a alguén en calquera parte do corpo, o neno/a que é pillado ten a peste e ten que correr e pillar aos demáis coa man  no lugar onde foi tocado. Aquí vedes algunhas fotos:

Despois nos prepararon un circuito de "Brinquedos", que son os xogos tradicionais: as chapas, o peón, os zancos, a mariola, a pita cega... O alumnado de 1º de E. Primaria foron os encargados de presentarnos os xogos e ensinarnos as súas regras. Pasámolo moi ben!!

Máis tarde conducíronnos ao primeiro andar do colexio onde teñen exposto un museo de xogos e instrumentos musicais africanos. Quedámosnos pasmados da inmensa colección que teñen, única en España.

Xa a última hora da mañá fumos a ver o Museo Etnográfico da Capela. Trátase dunha colección de instrumentos e obxetos tradicionais que foron recopilados polos propios mestres e familias do CEIP de Mosteiro de Caaveiro. Unha guía recibíunos e explicounos cómo vivían antigamente os nosos antergos.

Pasamos por diferentes estancias: a cociña, onde vimos a fresqueira, a lareira, o forno...; a corte das vacas, onde ensinounos o método de facer pienso co toxo; os antigos oficios, como costureira, tecedora... e as antigas habitacións que non tiñan baño...

Farolillos

Polo Samaín é típico, ademáis das cabazas, a elaboración dos farolillos. Por iso probamos a facer catro deseños diferentes: de buho, gato, cabaza e esquelete. Picamos a cartolina, puxemoslle papel celofán de cores, coma se fose unha vidriera. Logo pegamos o cartón arredor dunha caixa de quesiños e metimos unha candela dentro.